AmaButho aHlomile aseMelika
| amaButho aHlomile aseMelika | |
|---|---|
     
Iziphandla zamagatsha | |
| Ukusunglwa | 14 uNhlangulana 1775 |
| Amagatsha |
|
| Isihlalo | iPentagon eVirginia |
| Abaholi |
|
| Amalunga |
|
| Ubudala bokubhalisa | 17 |
| Ukubhalisa ngemphoqo | Ngegunyazo yombuso |
| Izindleko zonyaka | Izigidigidi ezingama-957$ |
| Abaphakeli basekhaya | i-Lockheed-Martin, i-Boeing, i-Northrop Grumman, i-RTX, i-General Dynamics |
| Abaphakeli bangaphandle | |
amaButho aHlomile aseMelika ayisikhungo sombuso wasemelika okuvikela isizwe nokufeza izinhloso zombuso ngemphoqo ngaphesheya. Umthetho kazwelonke waseMelika umisa amagatsha ayisithupha wamaButho anamikhakha asebenza kuwona. Umyango wezokuVikela wengamela amagatsha wonke ngaphandle kwesiQapha soGu esingaphansi kwoMnyango wezokuPhepha zaseKhaya.
Amabutho wasemhlabeni naselwandleni asungulwe enkathini Yempi Yokuzimela yaseMelika. Amabutho alwele iMelika eMpini ka-1812, iziMpi zoMhlabawonke zokuQala nezesiBili, iMpi eBandayo, kanye neMpi Yobuphekula. iMelika idle amanye amazwe ngokusebenzisa amabutho ayo futhi isebenzise amabutho ayo ukuguqula amahulumeni wamanye amazwe. Ngo-1947, kushayiwe Umthetho wezokuPhepha kaZwelonke ukubeka amabutho ngaphansi kwoMnyango owodwa woMkhandlu kaZwelonke wokuPhatha waseMelika. Amabutho aseMelika aphenduleka kuhulumeni okhethwe yizakhamuzi futhi awuthathi ihlangothi kwezombangazwe. iButho loMkhathi lisungulwe ngo-2019.
Umengameli waseMelika ungumkhuzi omkhulu wamabutho futhi wengamela amabutho ngoMnyango wezokuVikela kanye nesiQapha soGu ngoMnyango wezokuPhepha zaseKhaya. Kusukela 1973, iMelika ayisabhalisi abesilisa emabuthweni ngemphoqo kodwa umbuso unegunya lokuvusa ukubhalisa ngemphoqo kwabesilisa abaneminyaka eyi-18 kufikela kwa-25. Amabutho aqukatha amajoni asebenzayo, amaqembu abekiwe kanye nesiQaphi sikaZwelonke.
Amabutho aseMelika abhekwa kabanzi njengombutho owenqa wonke amabutho asemhlabeni ngamandla nangezinga lobuchwepheshe. Izindleko zamabutho zindlula izigidigidi ezingama-957$ ngo-2025, phezu kwawonke amazwe asemhlabeni wonke. Lokhu kuthatha amaphensenti angama-33 wezindleko zamabutho womhlaba wonke. Inani lamajoni lisezingeni eliphezulu lamabutho omhlaba wonke. iMelika inezizinda ezi-800 emazweni amaningi emhlabeni.