House of the Dragon

Umunxa	Action; Adventure; Fantasy; Serial drama;
Umdali wayo	Ryan Condal; George R. R. Martin;
Isisekelo	Template:Based on
Umgunundi wombukiso	Ryan Condal; Miguel Sapochnik;
Abalingisi	Paddy Considine; Matt Smith; Emma D'Arcy; Rhys Ifans; Steve Toussaint; Eve Best; Sonoya Mizuno; Fabien Frankel; Milly Alcock; Emily Carey; Graham McTavish; Matthew Needham; Jefferson Hall; Olivia Cooke; Harry Collett; Tom Glynn-Carney; Ewan Mitchell; Bethany Antonia; Phoebe Campbell; Phia Saban; Kurt Egyiawan; Kieran Bew; Abubakar Salim; Tom Taylor; Clinton Liberty; Tom Bennett; Ellora Torchia; Freddie Fox; Gayle Rankin; Simon Russell Beale; James Norton; Joplin Sibtain; Tommy Flanagan; Dan Fogler;
Theme music composer	Ramin Djawadi
Iculo elivulayo	"Game of Thrones Theme"
Ingqambi	Ramin Djawadi
Izwe ekhiqizwe kulo	United States
Ulimi lomdabu	English
Inani lemidumbu	3
Inani leziqephu	26
Ukukhiqizwa
Umkhiqizi ogunundayo	Miguel Sapochnik; Ryan Condal; George R. R. Martin; Ron Schmidt; Jocelyn Diaz; Sara Hess; Vince Gerardis; Alan Taylor;
Umkhiqizi	Karen Wacker; Angus More Gordon; Alexis Raben; Gabe Fonseca; Kevin Lau;
Indawo yokukhiqizela	Portugal; United Kingdom; Spain; United States;
Uthwebulo	Fabian Wagner; Pepe Avila del Pino; Alejandro Martínez; Catherine Goldschmidt;
Umhleli	Tim Porter; Selina MacArthur; Crispin Green; Chris Hunter;
Isikhathi esidlalayo	54–70 minutes
Izinkampani	GRRM; Bastard Sword; 1:26 Pictures Inc.; HBO Entertainment;
Ukudedelwa okokuqala
Isisakazi	HBO
Okuhlobene
	A Song of Ice and Fire (franchise)

> I-House of the Dragon (Umlibo wenzawu) ilando likamabonakude eliyilingiso elinganekwane laseMelika eluqanjwe nguGeorge RR Martin noRyan Condal be- HBO . Iyisandulelo selingiso elibizwa Game of Thrones (2011-2019), liyilando lesibili likamabonakude kuchunge lukaMartin oluthi A Song of Ice and Fire. Ngokusekelwe ezingxenyeni zencwadi kaMartin yowezi-2018 ethi Fire & Blood, leli lando luqala cishe eminyakeni eyi-100 ngemuva kokuba Imibuso eyisikhombisa ihlanganiswe ukunqotshwa abakwaTargaryen, cishe eminyakeni engama-200 ngaphambi kwezehlakalo ze -Umfeketho Weziqhwakelo, kanye neminyaka eyi-172 ngaphambi kokuzalwa kukaDaenerys Targaryen. Lo mbukiso uqukethe abadlali abahlukahlukene, ubonisa izehlakalo eziholela ekuweni koMlibo wakwaTargaryen, impi yokwelamaa ebhubhisayo eyaziwa ngokuthi "Umjuxuzo Wezinzawu".

Umlibo Wezinzawu wajuthswa kwesibili ngokuqondile kube ilando ngo-Okthoba wezi-2019, uRyan Condal noMiguel Sapochnik bekhonza njengababhali bemibukiso. Ilando laqala ngo-Agasti 21, wezi-2022, kanti umsumbu wokuqala wawineziqephu eziyishumi. Ilando lavuselelwa umdumbu wesibili ezinsukwini ezinhlanu ngemuva kokuqala kwalo. USapochnik washiya njengomhali wemibukiso ngemuva komdumbu wokuqala, washiya uCondal njengombhali wemibukiso kuphela womdumbu wesibili. Umdumbu wesibili waqala ngo-Juni 16, 2024, ngeziqephu eziyisishiyagalombili. Ilando lavuselelwa umdumdu wesithathu ngoJuni 2024, waqala ngo-Juni 21, wezi-2026 futhi kulindeleke ukuthi ube neziqephu eziyisishiyagalombili. Umdumbu wesine nowokugcina usathuthukiswa futhi kulindeleke ukuthi ikhishwe ngowezi-2028.

Ukuqala Umlibo Wenzawu wabukwa ngababukeli abangaphezu kwezigidi eziyi-10 kuzo zonke izisakazi eziqondile kanye ne-HBO Max ngosuku lokuqala, inani elikhulu kunayo yonke emlandweni we-HBO. Leli lando lithole ukubuyekezwa okuhle. Lunqobe Indodo ye-Golden Globe yeLando eliganyayo Kumabonakude - Ilingiso, kanti u-Emma D'Arcy waqokwa kabili njengoMlingisikazi Oganyayo weLando likaMabonakude - iLingiso. Ilando liqokwe kasishiyagalolunye eziNdodweni zama-Emmy, okuhlanganisa neLando Eliyilingiso eliNcintile, futhi lanqoba iziNdondo ze-British Academy Television Craft Awards ezintathu.

Abalingisi nabalingiswa

uPaddy Considine ulingisa uViserys I Targaryen (umdumbu 1-2): Umbusi wesihlanu weMibuso Eyisikhombisa. Waziwa ngokuthi "umnene, unmusa, futhi ulungile", uViserys wakhethwa umkhandlu wamakhosana ukuze elame umkhulu wakhe, uJaehaerys 1 Targaryen, njengoNkosi. UViserys uyizibulo lendodana kaJaehaerys yesibili uBaelon Targaryen nodadewabo ongumfazi wakhe uAlyssa Targaryen. Wayelikhwelanzawu elixhunywe nenzawu ebizwa Balerion, ngaphambi kokufa kwayo.
uMatt Smith ulingisa uDaemon Targaryen: umfowa omncane kaViserys nomalume/umyeni wesibili kaRhaenyra Targaryen. Waziwa ngokuthi "Umntanenkosi Oyisithalagu" (Rogue Prince) ngenxa yokuziphatha kwakhe okuxakayo, uDaemon uyimbudle ebukhali ehlome ngenkemba ebizwa Udade Onzima (dark sister) ekhandwe ngenqimbi yaseValyria. ikhwelanzawu elinekhono elixhunywe nenzawu ebizwa Karaxes.
uEmma D'Arcy ulingisa uRhaenyra Targaryen: Indodakazi kaVisery eyiphosukubusa eliqokiwe, iyizibulo nengane yakhe esaphila kumkakhe wokuqala uAemma Arryn. Wayedunyiswa ngokuthi "Unobuhle Wombuso" lapho esemusha. Waqheliswa ukuba INdlovukazi abalandeli bakhe, Ezimnyama, emva kokuthi usingamama wakhe, egabadele isiqhwakelo wasinika indodana yakhe - engumnewabo kaRhaenyra – ngokuthi athi uViserys waguqula omelamayo lapho ephangalala. Ikhwelanzawu elixhunywe nenzawu ebizwa Syrax.
- Milly Alcock (umdumbu 1; uvakasha kumdumbu 2), ulingisa umlingiswa osemncane.
uRhys Ifans ulingisa u-Otto Hightower (umdunbu 1–3): UBaba kaAlicent neSandla sikaViserys iNkosi. Uyaqhubeka esikhundleni sakhe ngaphansi kuka-Aegon II Targaryen kufika lapho efakelelwa ngoCriston Cole. Lapho indodakazi yakhe iba yinkosazana, u-Otto usongoza amacebo wokubeka indodana yendodakazi yakhe endala u-Aegon esiqhwakelweni, esikhundleni sikaRhaenyra.
uSteve Toussaint ulingisa uCorlys Velaryon: INkosana yesiqhingi esibizwa Driftmark noMnumzane woMlibo wakwaVelaryon, oyinjinga enamandla eMibusweni Eyisikhombisa. Waziwa ngokuthi iNyoka Yolwandle ("the Sea Snake"), uyitilosi elidumile emlandweni waseWesterosi. Wakhonza njengoNgqongqoshe Wemikhumbi kaViserys kufika ekwesuleni kwakhe futhi wakhonza njengeSandla sikaRhaenyra lapho eyiNkosazana.
uEve Best ulungisa uRhaenys Targaryen (umdumbu 1–2): umzala kaViserys noDaemon nomka Corlys. URhaenys uyingane ezelwe yodwa ka-Aemon Targaryen, Indodana kaJaehaerys eyayikade iyindlalifa eyashona, nonina uJocelyn Baratheon, udadewabo kaJaehaerys. Waziwa ngegama elithi "Owacishe waba iNdlovukazi" (Queen Who Never Was), njengoba ayeqokelwe ukukhethwa njengozokwelama umkhulu wakhe abuse iMibuso Eyisikhombisa, Kodwa kwakhethwa umzala wakhe omncane uViserys ngenxa yobulili. Ulikhwelanzawu elinekhono elixhunywe nenzawu ebizwa Meleys.
uSonoya Mizuno ulingisa uMysaria: umjuxuzi ongumqwayizi ibuya kwelinye izwe nophenduka umqwayizi kaDaemon nesethenjwa sakhe kufika ekuhlulaneni kwabo. Kamuva ubizwa ngokuthi "uMsundu Omhlophe" (White Worm) futhi uba ngumkhuzi wohleloxhumano labancondi esidlaveleni sase-King's Landing aphinde akhonze njengomeluleki kaRhaenyra.
uFabien Frankel ulingisa uCriston Cole: Usonkemba onekhono ongumfokazana obuya eMabhukwini ase-Dorne, okhethwa nguRhaenyra ukuba abe yilungu lamaBhekankosi kaViserys. Kamuva ufakelela uHarrold Westerling njengoMkhuzi wamaBhekankosi ngemuva kokuqhwakela kukaAegon, futhi ufakelela u-Otto njengeSandla seNkosi u-Aegon.
u-Olivia Cooke ulingisa u-Alicent Hightower: umngani kaRhaenyra wasebuntwaneni kamuva oba umfazi nenkosazana kaViserys. Ukhuliselwa eSigodlweni Esibomvu (Red Keep) njengengxenye yephakathi leNkosi.
- uEmily Carey (umdumbu 1), ulingisa umlingiswa esemncane
uGraham McTavish ulingisa uHarrold Westerling (umdumbu 1): ingqabavu emnkantshubomvu yamaBhekankosi ekhonze isihlalo kusukela kusabusa uJaehaerys. Ufakelela uRyam Redwyne njengoMkhuzi wamaBhekankosi kamuva uyesula lapho kuqhwakela uAegon.
uMatthew Needham ulingisa uLarys Strong: Indodana encane kaLyonel Strong, owaziwa ngokuthi isidifikezi ("Clubfoot") ngenxa yokuzalwa enojuqhwala okumenza aqhuge. Uyisethenjwa sika-Alicent esikhonza njengoMkhuzi Wokugonyuluka, futhi kamuva njengoNgqongwoshe Wabanyenyezayo kaAegon. Uphinde abe yindlalifa neNkosana yaseHarrenhal noMnumzane womlibo wakwaStrong.
uJefferson Hall ulingisa amawele:
- uJason Lannister (umdumbu 1–3): INkosana yaseCasterly Rock, nomnzumzane womlibo wakwaLannister noMlawuli waseNtshona. Uyiphisi nembudle eqhoshayo, uphenduka isinyonbolo kuRhaenyra.
- noTyland Lannister: iwele elincane likaJason younger nosombusazwe oyiqili. Ufakelela uCorlys esikhundleni njengoNgqongwoshe Wemikhumbi kaViserys kamuva ithathwa isikhundla sikaLyman Beesbury sokuba uNgqongqoshe Wezimali kaAegon.
uHarry Collett ulingisa uJacaerys ("Jace") Velaryon (umdumbu 1–3): Indodana eyizibuli kaRhaenyra nomyeni wakhe wokuqala uLaenor Velaryon, noyiphosukubusa kuRhaenyra. Uyikhwelanzawu elixhunywe nenzawu encane ebizwa Vermax.
uTom Glynn-Carney ulingisa uAegon II Targaryen: INkosi yesithupha yeMibuso Eyisikhombisa. Indodana eyizibulo likaViserys no-Alicent, omfowabo kaRhaenyra, nomyeni kadadewabo ongumfazi wakhe uHelaena Targaryen. Uqheliswa njengenkosi emvakokithi abalandeli bakhe, Eziluhlaza, basongoze icebo lokugabadela isiqhwakelo. Uyikhwelanzawu elixhunywe nenzawu encane ebizwa Sunfyre.
uEwan Mitchell ulingisa u-Aemond Targaryen: Ungowesithathu kuViserys no-Alicent. Waziwa ngokuthi 'uAemond Oyinhlokohlo' ("Aemond One-Eye") emva kokulahlekelwa iso lapho belwa nabazala bakhe Kodwa waphenduka iqhawe elingenavalo. Ukhanuka ukuba yikhwelanzawu futhi kamuva uthatha inzawu endala ebizwa Vhagar.
uBethany Antonia ulingisa uBaela Targaryen: Indodakazi endala kaDaemon noLaena Velaryon. Ikhwelanzawu elixhunywe nenzawu encane ebizwa Moondancer.
uPhoebe Campbell ulingisa uRhaena Targaryen: Indodakazi encane kaDaemon noLaena. Kamuva uohenduka umkhwelinzawu lapho ethatha inzawu yasendle ebizwa Sheepstealer.
uPhia Saban ulingisa uHelaena Targaryen: Ingabe yesibili eyindodakazi kaViserys no-Alicent, udadewabo ongumfazi ka-Aegon, nomama wezingane zabo. Unekhono lokuqayizela ngezintuthwane. Ulikhwelanzawu elixhunywe nenzawu ebizwa Dreamfyre.
uKurt Egyiawan ulingisa Orwyle (umdumbu 1-3): Intwesi yaseCitadel efakelela uMellos owayiNtwesinkulu kaViserys futhi uqhubeka nesikhundla sakhe phansi kuka-Aegon.
uKieran Bew ulingisa uHugh Hammer (umdumbu 2–3): Umqanduli waseKing's Landing onomthwalo wokunakekela indodakazi yakhe egulayo. Kamuva uziveza njengevezandlebe lakwaTargaryen, indodna kaSaera Targaryen, indodakazi kaJaehaerys. Kamuva uphenduka ikhwelanzawu emva kokuthatha inzawu ebizwa Vermithor.
u-Abubakar Salim ulingisa u-Alyn of Hull (umdumbu 2-3): Ivezandlebe likaCorlys nomtilosi ebhidlini lakwaVelaryon owasindisa uyise eziqhingiqhingi ezibizwa Stepstones.
uTom Taylor ulingisa uCregan Stark (umdumbu 2): INkosana esencane yaseWinterfell, umnumzane womlibo wakwaStark noMlindi waseNyakatho.
uClinton Liberty ulingisa uAddam of Hull (umdumbu 2–3t): Ivezandlebe likaCorlys, umfowabo ka-Alyn omncane, nombazi wemikhumbi webhidli lakwaVelaryon. Kamuva uphenduka ikhwelanzawu emva kokuxoshwa inzawu ebizwa Seasmoke, eqoma yena njengomkhweli wayo.
uTom Bennett ulingisa u-Ulf White (umdumbu 2–3): Umhlali waseKing's Landing ozibiza ngevezandlebe lakwaTargaryen ongomfowabo kaViserys noDaemon. Kamuva uphenduka ikhwelanzawu lenzawu ebizwa Silverwing.
uEllora Torchia ulingisa uKat (umdumbu 2–3): Umfazi kaHugh nomama wendodakazi yakhe.
uFreddie Fox ulingisa uGwayne Hightower (umdumbu 2–3): Indodana ka-Otto nomfowabo omdala ka-Alicent.
uGayle Rankin ulingisa u-Alys Rivers (umdumbu 2–3): Umkhunkuli oyimfihlo waseHarrenhal okhonza umlibo wakwaStrong.
uSimon Russell Beale ulingisa uSimon Strong (umdumbu 2–3): Umalume kaLarys nomnakekeli waseHarrenhal.
uJames Norton ulingisa u-Ormund Hightower (umdumbu 3): TINkosana yase-Oldtown nomnumzane womlibo wakwaHightower nomzala ka-Alicent.
Joplin Sibtain as Jon Roxton (season 3): A knight of House Roxton.
uTommy Flanagan ulingisa uRoderick Dustin (umdumbu 3): TINkosana yaseBarrowton nomnumzane womlibo wakwaDustin. Ukhonza njengomholi weviyo Lezimpisinja Zobusika (Winter Wolves), elakhiwa amakhehla aseNyakatho alindele ukufa emppini.
uDan Fogler ulingisa uTorrhen Manderly (umdumbu 3): Ingqabavu yomlibo wakwaManderly.

Iziqephu


Umdumbu	Iziqephu	Ukudedelwa kweziqephu
Umdumbu	Iziqephu	Ukudedelwa kwesokuqala	Ukudedelwa kwesokugcina
1	10	August 21, 2022	October 23, 2022
2	8	June 16, 2024	August 4, 2024
3	8	June 21, 2026	August 9, 2026

Amaphatho

↑ Huddleston, Tom (August 22, 2022). "House of the Dragon recap: episode one – blood, guts, gore and tons of epic action". The Guardian. Archived from the original on October 18, 2022. Kulandwe ngomhlaka October 30, 2022. Unknown parameter |url-status= ignored (help)
↑ "House of the Dragon". The A.V. Club. Archived from the original on October 23, 2022. Kulandwe ngomhlaka October 30, 2022. Unknown parameter |url-status= ignored (help)
↑ Jarvey, Natalie (October 20, 2022). "In the Battle of the Genre Shows, Does House of the Dragon or Rings of Power Take the Crown?". Vanity Fair. Archived from the original on October 24, 2022. Kulandwe ngomhlaka October 24, 2022. Unknown parameter |url-status= ignored (help)
↑ Brinkman, Emilie M. (October 23, 2022). "'House of the Dragon' succession drama is rooted in actual history". The Washington Post. Archived from the original on October 30, 2022. Kulandwe ngomhlaka October 30, 2022. Unknown parameter |url-status= ignored (help)

[1] Huddleston, Tom (August 22, 2022). "House of the Dragon recap: episode one – blood, guts, gore and tons of epic action". The Guardian. Archived from the original on October 18, 2022. Kulandwe ngomhlaka October 30, 2022. Unknown parameter |url-status= ignored (help)

[2] "House of the Dragon". The A.V. Club. Archived from the original on October 23, 2022. Kulandwe ngomhlaka October 30, 2022. Unknown parameter |url-status= ignored (help)

[LOTRVF-3] Jarvey, Natalie (October 20, 2022). "In the Battle of the Genre Shows, Does House of the Dragon or Rings of Power Take the Crown?". Vanity Fair. Archived from the original on October 24, 2022. Kulandwe ngomhlaka October 24, 2022. Unknown parameter |url-status= ignored (help)

[4] Brinkman, Emilie M. (October 23, 2022). "'House of the Dragon' succession drama is rooted in actual history". The Washington Post. Archived from the original on October 30, 2022. Kulandwe ngomhlaka October 30, 2022. Unknown parameter |url-status= ignored (help)

[1]

[2]

[3]

[4]