INdebe Yomhlaba yeFIFA
_01.jpg)
INdebe Yomhlaba yeFIFA ingumqhudelwano webhola lezinyawo wamazwe phakathi kwamaqembu esizwe abesilisa, angamalungu eNhlangano Yamazwe Yebhola Lezinyawo (FIFA), okuyindikima ebusayo emhlabeni wonke yebhola likanobhutshuzwayo. Lo mqhudelwano ubulokhu ubanjwa njalo eminyakeni emine kusukela wamiswa okokuqala ngowe-1930, ngaphandle kuwo-1942 nowe-1946 ngenxa yeMpi YoMhlaba yesibili. Ompetha abaphethe manje izwe lase- Argentina, elanqoba isicoco salo sesithathu seNdebe Yomhlaba yowezi-2022 ngokuhlula elaseFrance.[1]
Umqhudelwano uqala ngesigaba sokuhlungelwa, esenzeka eminyakeni emithathu ngaphambili komqhudelwano ukuze kunqunywe ukuthi yimaphi amaqembu afanelekela isigaba somqhudelwano. Esigabeni somqhudelwano, amaqembu angama-32 azoncintisana ezinkundleni ezingaphakathi kwezwe (amazwe) elisingathe imidlalo cishe inyanga yonke. Izwe (amazwe) elisingatha imidlalo alidingi ukudlala imidlalo yokuhlungelwa ngoba seliyafaneleka ukuba sesigabeni samaqembuqembu somqhudelwano. Lo mqhudelwano uhlelelwe ukua wandiswe ube namazwe angama-48, kusukela ngeNdebe Yomhlaba yowezi-2026 .
Kusukela ngeNdebe Yomhlaba yowezi-2022, sekube nemiqhudelwano engama-22 selokhu kwasungulwa le senzakalo ngowe-1930, kanti amaqembu esizwe angama-80 ancintisane kuyo. Indondo yawo yanqotshwa amazwe ayisishiyagalombili. ElaseBrazil, layinqoba kahlanu, futhi liwukuphela kwezwe eselidlale kuyo yonke imiqhudelwano. Amanye amazwe anqoba iNdebe Yomhlaba ahlanganisa iJalimani ne -Italy, anezicoco ezine ngalinye; i-Argentina, enezicoco ezintathu; iFrance kanye nezwe elayinqoba okokuqala i-Uruguay, ngalinye linezicoco ezimbili; bese elaseNgilandi neSpain, anesicoco esisodwa ngalinye.
INdebe Yomhlaba ibhekwa emhlabeni wonke njengomncintiswano webhola lezinyawo ohlonishwa kakhulu, kanye nomcimbi wezemidlalo obukwa kakhulu futhi olandelwa kakhulu emhlabeni.[2] [3] Inani lababukeli beNdebe Yomhlaba ka-2018 lilinganiselwa ku-3.57 izigidigidi, cishe ingxenye yabantu bomhlaba wonke,[4] [5] kuyilapho ukuzibandakanya neNdebe Yomhlaba ka-2022 kulinganiselwa ukuthi kungama-5 izigidigidi, cishe nge-1.5 abantu abayizigidigidi ababukele umdlalo wokugcina.[6]
Amazwe ayi-18 asingathe iNdebe Yomhlaba kuze kuba manje, muva nje elaseQatar, belisingethe isenzakalo sowezi-2022. Umqhudelwano wezi-2026 uzosingathwa ngokubambisana yiKhanada, iMeksikho, kanye neMelika, okuzonikeza iMeksikho udumo lokuba yizwe lokuqala ukusingatha imidlalo yeziNdebe zoMhlaba ezintathu.
Umlando
[hlela | Hlela umthombo]Imiqhudelwano yamazwe yangaphambilini
[hlela | Hlela umthombo]Umdlalo webhola lezinyawo wamazwe wokuqala emhlabeni wonke wawungumdlalo wenselele owadlalwa eGlasgow ngowe-1872 phakathi kweScotland neNgilandi.[7] Umqhudelwano wokuqala wamazwe wezizwe eziningi, obizwa iBritish Home Championship wokuqala, wenzeka ngowe-1884 futhi wawuhlanganisa imidlalo phakathi kwelaseNgilandi, iScotland, iWales, ne -Ireland.[8] Njengoba ibhola lezinyawo likhula lithandwa kwezinye izingxenye zomhlaba ekuqaleni kwekhulu lama-20, labanjwa njengomdlalo wombukiso ongenazo imiklomelo kuma-Olimpiki asehlobo we-1900 no-1904 ; noma kunjalo, iKomidi Lama-Olimpiki Lomhlaba selithuthukise ubundima bawo ngenjezenzakalo ezisemthethweni, hhayi imibukios nje.[8]
Ngemva kokusungulwa kwenhlangano iFIFA ngowe-1904, le nhlangano yazama ukuhlela umqhudelwano webhola lomhlaba wonke phakathi kwezizwe ezingaphandle kohlaka lwe-Olimpiki eSwitzerland ngowe-1906. Lezi kwakuyizinsuku zokuqala kakhulu zebhola likanobhutshuzwayo lomhlaba wonke, futhi umlando osemthethweni we-FIFA uchaza lo mncintiswano njengongaphumelelanga.
Kuma -Olimpiki asehlobo we-1908 eLondon, ibhola likanobhutshuzwayo laba umdlalo osemthethweni wama-Olimpiki. Ngokohlelo lweNhlangano Yebhola lezinyawo (i-FA), ebhekele ezebhola eNgilandi, lo mcimbi wawungowabadlali abangamavukane kuphela futhi wawubhekwa njengombukiso kunokuba umncintiswano. IBrithani (emelelwe yiqembu lesizwe lebhola likanobhutshuzwayo laseNgilandi ) yawina izindondo zegolide. Lakuphinde lokhu kuma-Olimpiki asehlobo kwe-1912 eStockholm .
Njengoba umcimbi wama-Olimpiki wawuqhubeka nokuba umncintiswano phakathi kwamaqembu angewona amavukane kuphela, uSir Thomas Lipton wahlela umqhudelwano weSir Thomas Lipton Trophy eTurin ngowe-1909. Umqhudelwano weLipton wawungumqhudelwano phakathi kwamaqembu angasese (hhayi amaqembu esizwe) avela ezizweni ezahlukene, ngalinye elalimele isizwe sonke. Lo mncintiswano ngezinye izikhathi uchazwa njengeNdebe Yomhlaba Yokuqala, futhi wawunamaqembu obungchwepheshi ahlonishwayo kakhulu avela e-Italy, eJalimani naseSwitzerland, kodwa i-FA yaseNgilandi yenqaba ukuyamaniswa nomncintiswano futhi yenqaba isiphakamiso sokuthumela iqembu lezingchwepheshi. Umncintiswano kaLipton wamema iWest Auckland, iqembu labadlali abangewona amavukane elivela eCounty Durham, ukuthi limele iNgilandi esikhundleni salokho. IWest Auckland yanqoba umncintiswano futhi yabuya ngowe-1911 ukuze ivikele ngempumelelo isicoco sayo. Ngaphambi komncintiswano kaLipton, kusukela ngowe-1876 kuya kowe-1904, imidlalo eyayibhekwa "njengemqhudelwano womhlaba webhola lizinyawo" kwakuyimihlangano phakathi kwamaqembu ahamba phambili aseNgilandi naseScotland, njengomdlalo we-1895 phakathi kweSunderland AFC neHeart of Midlothian FC, eyanqotshwa yiSunderland.
Ngo-1914, i-FIFA yavuma ukuqaphela umqhudelwano wama-Olimpiki "njengomqhudelwano webhola lomhlaba wabadlali abangamavukane", futhi yathatha umthwalo wokuphatha lo mcimbi. Lokhu kwavula indlela yomncintiswano wokuqala webhola lomhlaba wamazwe onezizwe ezihlukene, kuma -Olimpiki asehlobo we-1920, okwakuqhudelana kuwo iGibhithe namazwe aseYurophu ali-13, futhi wanqotshwa yiBelgium . I-Uruguay yanqoba imiqhudelwano emibili elandelayo yebhola lezinyawo kuma-Olimpiki ngowe-1924 nangowe-1928. Leyo futhi kwayimiqhudelwano yokuqala emibili yomhlaba evulekile, njengoba unyaka we-1924 wawuyisiqalo sesikhathi sobungcwepheshi se-FIFA, futhi yisona sizathu esenza i-Uruguay ivunyelwe ukugqoka izinkanyezi ezi-4 .
IziNdebe Zomhlaba ngaphambi kweMpi YoMhlaba yesibili
[hlela | Hlela umthombo]
Ngenxa yempumelelo yemiqhudelwano yebhola yama-Olimpiki, i-FIFA, noMongameli wayo uJules Rimet njengesiphoqi esiqhubayo, yaphide yabheka ukuhlela umqhudelwano wayo wamazwe ngaphandle kwama-Olimpiki. Mhlaka zingama-28 kuMeyi we-1928, iSigungu se-FIFA e- Amsterdam sanquma ukusingatha umqhudelwano womhlaba. Njengoba i-Uruguay manje yayingompeta bomhlaba bebhola lezinyawo ngokusemthethweni izikhathi ezimbili futhi ukuze kugujwe iminyaka eyikhulu yokuzimela kwayo okwenzeka ngowe-1930, i-FIFA yakhetha i -Uruguay njengezwe elizosingatha umqhudelwano wokuqala weNdebe Yomhlaba .
Izinhlangano zamazwe ezikhethiwe zamenywa ukuba zithumele iqembu, kodwa ukukhethwa kwe-Uruguay njengezosingatha lomncintiswano kwasho uhambo olude nolubizayo lokuwela uLwandlekazi Atlantic kumaqembu aseYurophu, ikakhulukazi phakathi nokuFadalala Okukhulu . Ngakho-ke, alikho izwe laseYurophu elathembisa ukuthumela iqembu kuze kube yizinyanga ezimbili ngaphambi kokuqala komncintiswano. Ekugcineni uRimet wancenga amaqembu aseBelgium, eFrance, eRomania naseYugoslavia ukuba enze lolu hambo. Sekukonke, amazwe ayili-13 ahlanganyela: ayisikhombisa avela eNingizimu Melika, amane avela eYurophu, kanye namabili avela eNyakatho Melika.
.jpg)
Imidlalo emibili yokuqala yeNdebe Yomhlaba yenzeke ngesikhathi esisodwa mhla ziyi-13 kuJulayi we-1930, futhi yanqotshwa yiFrance nelaseMelika, enqoba iMeksiko ngo 4-1 kanye neBelgium ngo 3-0 ngokulandelana. Inqaku lokuqala emlandweni weNdebe Yomhlaba lashaywa nguLucien Laurent waseFrance. Kowamanqamu, i-Uruguay yanqoba i-Argentina ngamanqaku ama- 4 kwama-2 phambi kwababukeli abayizi-93,000 eMontevideo, futhi yaba yizwe lokuqala ukuwina iNdebe Yomhlaba. Ngemva kokudalwa kweNdebe Yomhlaba, i-FIFA neKodimi lama-Olimpiki abavumelananga ngesimo sabadlali abangewona aangamavukane; ibhola lakhishwa kuma-Olimpiki asehlobo we-1932 . Ngemva kokuba iKomidi lama-Olimpiki ne-FIFA baxazulule ukungezwani kwabo, ibhola lezinyawo lama-Olympic labuya kuma-Olimpiki asehlobo we-1936, kodwa manje lase limbozwe yiNdebe Yomhlaba ehlonishwa kakhulu.
Izinkinga ezazibhekene nemiqhudelwano yokuqala yeNdebe Yomhlaba kwakuwubunzima bokuhamba phakathi kwamazwekazi kanye nempi. Ambalwa amaqembu aseNingizimu Melika ayezimisele ukuya eYurophu eNdebeni Yomhlaba yowe-1934 futhi wonke amazwe aseNyakatho naseNingizimu Melika ngaphandle kweBrazil neKhiuba aphikisana nomqhudelwano we-1938 . IBrazil kwakuyilona kuphela iqembu laseNingizimu Melika elalincintisana kuyo yomibili. Imiqhudelwano yowe-1942 nowe-1946, lapho iJalimane neBrazil ezazifuna ukuyisingatha, yayekwa ngenxa yeMpi YoMhlaba yesibili .
IziNdebe ZoMhlaa ngemva kweMpi YoMhlaba yesibili
[hlela | Hlela umthombo]
INdebe Yomhlaba yowe-1950, eyayibanjelwe eBrazil, yayingeyokuqala ukuhlanganisa izinhlangano zebhola lezinyawo zaseBrithani. IScotland, iNgilandi, iWales, kanye neNorthern Ireland zazihoxile kwiFIFA ngowe-1920, ngenxa yokungafuni ukudlala namazwe ezazilwa nawo, futhi ngenxa yokubhikisha ngokumelene nethonya langaphandle ebholeni lezinyawo. Lamaqembu aziqhaza kabusha ngowe-1946 ngemuva kokumenywa yiFIFA. Lo mqhudelwano uphinde wabona ukubuya kwabanqobi bangowe-1930 i-Uruguay, ababengadlali kwiziNdebe zomhlaba ezimbili ezidlule. I-Uruguay yawina umqhudelwano futhi ngemuva kokunqoba izwe elaliphethe iBrazil, emdlalweni obizwa ngokuthi " iMaracanazo " (isiPutukezi: iMaracanaço ).
Emiqhudelwaneni ephakathi kowe-1934 nowe-1978, amaqembu ayili-16 ancintisana emqhudelwaneni ngamunye, ngaphandle kowe-1938, lapho i-Austria yagwinywa iJalimanei ngemuva kokufaneleka, yashiya umqhudelwano unamaqembu ali-15, nangowe-1950, lapho elase-India, iScotland, neTurkey ehoxa, eshiya umqhudelwano namaqembu ali-13. Iningi lamazwe ahlanganyelayo ayevela eYurophu naseNingizimu Melika, kanye neqembu amancane avela eNyakatho Melika, e-Afrika, e-Asia, nase-Oceania. La maqembu ayevame ukunqotshwa kalula amaqembu aseYurophu naseNingizimu Melika. Kuze kwaba ngowe-1982, lapho amazwe avela ngaphandle kweYurophu naseNingizimu Melika adlulela phambili emzuliswaneni wokuqala.
Ukwandiswa kube namazwe angama-32
[hlela | Hlela umthombo]
Lo mqhudelwano wandiswa waba amazwe angama-24 ngowe-1982, waba namazwe angama-32 ngowe-1998, wavumela amaqembu engeziwe avela e-Afrika, e-Asia naseNyakatho Melika ukuba ahlanganyele. Kusukela ngaleso sikhathi, amaqembu avela kulezi zifunda abe nempumelelo enkulu, kanti amaningana afinyelele kwaiyisiphohlongo: iMeksiko, eyafika kkwayisiphohlongo ngowe-1986 ; iCameroon, eyafika kwayisiphohlongo ngowe-1990 ; iNingizimu Korea, yaqeda endaweni yesine ngowezi-2002 ; iSenegal, kanye neMelika, womabili afika kwayisiphohlongo ngowezi-2002; iGhana, eyafika kwayisiphohlongo ngowezi-2010. Amaqembu aseYurophu naseNingizimu Melika ayaqhubeka nokuchachaza, isib., amazwe afinyelele kwayisiphohlongo ngowe-1994, 1998, 2006 kanye nowezi-2018 wonke ayevela eYurophu noma eNingizimu Melika kanye nalawo afinyelele kowamanqamu kuyo yonke imiqhudelwano kuze kube manje.
Amaqembu angamakhulu amabili angenela imizuliswano yokuhlungela iNdebe Yomhlaba yeFIFA yowezi-2002 . Amazwe ayi-198 azame ukuhlungela iNdebe Yomhlaba yeFIFA yowezi-2006 . Amazwe angama-204 aqopha umlando angenela ukuhlungela iNdebe Yomhlaba yeFIFA yowezi-2010 .
Ukwandiswa kube namazwe angama-48
[hlela | Hlela umthombo]Ngo-Okthoba wezi-2013, umongameli weFIFA uSepp Blatter wakhuluma ngokuqinisekisa isifunda seCaribbean Football Union isikhundla kwiNdebe yoMhlaba. Kuhlelo lomhla zingam-25 ku-Okthoba wezi-2013 lwe -FIFA Weekly uBlatter wabhala ukuthi: "Ngokombono wezemidlalo kuphela, ngingathanda ukubona ukumbulungiswa ekugcineni kuthathwa ngokungathi sína, futhi izinhlangano zezwe zase-Afrika nase-Asia zinikezwe ubundima obuzifanele kwiNdebe yoMhlaba yeFIFA. Akunakwenzeka ukuthi izinhlangano zaseYurophu nezaseNingizimu Melika zithathe indawo eningi kwiNdebe yoMhlaba." Leyo nkulumo yasikisela, kubahlaziyi, ukuthi uBlatter angase azibeke phambili ekukhethweni kabusha njengoMongameli weFIFA.
Ngemva kokushicilelwa kwalo magazini, umphikisi kaBlatter ozoba nguMongameli weFIFA, uMengameli we-UEFA uMichel Platini, waphendula ngokuthi uhlose ukwandisa iNdebe Yomhlaba ibe yizinhlangano zezizwe ezingama-40, okwandisa inani labahlanganyeli ngabayisishiyagalombili. UPlatini wathi uzokwabela i-UEFA indawo eyengeziwe, ezimbili kube eze- Asian Football Confederation kanye nezimbili ze- Confederation of African Football, ezimbili zihlukaniswe phakathi kwe -CONCACAF ne -CONMEBOL, kanye nendawo eqinisekisiwe ye- Oceania Football Confederation . UPlatini wayecacile ngokuthi kungani efuna ukwandisa iNdebe Yomhlaba. Wathi: "[INdebe Yomhlaba] ayisekelwe kuzingabunjalo lamazwe ngoba awunawo amazwe aganyayo kwangama-32 eNdebeni Yomhlaba. ... kodwa kuyisivumelwano esihle. ... Kuyindaba yezombusazwe ngakho kungani kungabi nabantu base-Afrika abaningi? Umqhudelwano uwukuhlanganisa bonke abantu bomhlaba. Uma ungabaniki ithuba lokuhlanganyela, ngeke bathuthuke."
Ngo-Okthoba wezi2016, umongameli weFIFA uGianni Infantino waveza ukweseka kwakhe iNdebe Yomhlaba enamaqembu angama-48 ngowezi-2026. Mhla- zili-10 kuJanuwari wezi-2017, iFIFA yaqinisekisa ukuthi iNdebe Yomhlaba yowezi-2026 izoba namaqembu angama-48 afinyelele kowamanqamu.
Indondo
[hlela | Hlela umthombo]
Kusuka ngowe-1930 kuya kowe-1970, indondo kaRimet yayihlomulwa izwe elinqobe iNdebe YoMhlaba. Yayaziwa ngokuthi iNdebe YoMhlaba, kodwa ngowezi1946 yaqanjwa ngomongameli wkuqala weFIFA uJules Rimet owahlanganisa umqhudelwano wokuqala. Ngowe-1970, izwe laseBrazili lapho liyinqoba okwesithathu lanikezwa yona unomphela. Kodwa indondo lena yebiwa ngowe-1983 futhi ayiphindanga yatholakal, kungenzeka izigebegu zayincibilikisa.[9]
Emuva kowe-1970, kwethulwa indondo entsha ebizwa iNdondo yeNdebe YoMhlaba yeFIFA. Ongoti beFIFA, abavela emazweni ayisikhombisa, bacubungula izinongo ezingama-53, ekugcineni baqoma leyo eyaklanywa umklami wase-Italiya uSilvio Gazzaniga. Indondo entsha ikhandwe ngembedu engamaphesenti angama-75.[10]
Imiphumela
[hlela | Hlela umthombo]- Qaphela
- engeziwe.: umdlalo unqotshwe emva kwesikhathi esengeziwe
- ukukhahlwe emlotheni: umdlalo unqotshwe kusekhahlelwa ibhola emlotheni
| Uhlelo | Umnyaka | Izwe elisingethe | Umdlalo wendawo yokuqala | Umdlalo wendawo yesithathu | Amazwe | ||||
|---|---|---|---|---|---|---|---|---|---|
Umpetha |
Amanqaku | Isibili |
Isithathu |
Amanqaku |  Isine | ||||
| 1 | 1930 |  Uruguay |
I-Uruguay | 4–2 | I-Argentina | iMelika | — | Umbuso waseYugoslavia | 13 |
| 2 | 1934 |  Italy |
ITaliya | 2–1 (engeziwe) | iCzhekoslovakia | IJalimani]] | 3–2 | i-Austriya | 16 |
| 3 | 1938 |  France |
Italiya | 4–2 | i-Hungari | iBrzili | 4–2 | iSwiddeni | 15 |
| – | 1942 | Ayisingathwanga ngenxa yeMpi YoMhlaba yesibili | |||||||
| 1946 | |||||||||
| 4 | 1950 |  Brazil |
I-Urugweyi | 2–1 |
iBrazili | iSwideni | 3–1 |
iSpeyini | 13 |
| 5 | 1954 |  Switzerland |
iJalimani esentshona | 3–2 | iHungari | i-Austriya}} | 3–1 | i-Urugweyi}} | 16 |
| 6 | 1958 |  Sweden |
iBrazili | [5–2 | iSwideni | iFransi | 6–3 | iJalimani esentshona | 16 |
| 7 | 1962 |  Chile |
iBrazili | 3–1 | iCzhekoslovakiya | iShile | 1–0 | iYugoslovakiya}} | 16 |
| 8 | 1966 | England | iNgilandi | 4–2 (eyengeziwe) | iJalimani esentshona | iPhothugali | 2–1 | i-Urugweyi | 16 |
| 9 | 1970 |  Mexico |
iBrazili | 4–1 | ITaliya | iJalimani esentshona | 1–0 | i-Urugweyi | 16 |
| 10 | 1974 | West Germany | iJalimani esentshona | 2–1 | iNedalandi | iPholandi | 1–0 | iBrazili | 16 |
| 11 | 1978 |  Argentina |
i-Argentina | 3–1 (eyengeziwe | iNedalandi | iBrazili | 2–1 | ITaliya | 16 |
| 12 | 1982 |  Spain |
ITaliya | 3–1 | iJalimani esentshona | iPholandi | 3–2 | 1974 | 24 |
| 13 | 1986 | Mexico |
i-Argentina | 3–2 | iJalimani esentshona | iFransi | 4–2 (eyengeziwe) | iBhelijiyamu | 24 |
| 14 | 1990 | Italy |
iJalimani esentshona | 1–0 | i-Argentina | ITaliya | 2–1 | iNgilandi | 24 |
| 15 | 1994 |  United States |
iBrazili | 0–0 (kwakhahlelwa emlotheni 3–2 |
ITaliya | iSwideni | 4–0 | iBaligariya}} | 24 |
| 16 | 1998 | France |
iFransi | 3–0 | iBrazili | iKroashiya | 2–1 | iNedalandi | 32 |
| 17 | 2002 |  South Korea Japan |
iBrazili | 2–0 | iJalimani | iTheki | 3–2 | iNingizimu Koriya | 32 |
| 18 | 2006 |  Germany |
ITaliya | 1–1 (kwakhehlelwa emlotheni) 5–3 |
iFransi | iJalimani | 3–1 | iPhothugali | 32 |
| 19 | 2010 |  South Africa |
iSpeyini | 1–0 (eyengeziwe) | iNedalandi | iJalimani | 3–2 | i-Urugweyi | 32 |
| 20 | 2014 | Brazil |
iJalimani | 1–0 (eyengeziwe) | i-Argentina | iNedalandi | 3–0 | iBrazili | 32 |
| 21 | 2018 |  Russia |
iFransi | 4–2 | iKroashiya | iBelijiyamu | 2–0 | iNgilandi | 32 |
| 22 | 2022 |  Qatar |
i-Argentina | 4–2) | iFransi | iKroashiya | 2–1 | iMorokho | 32 |
| 23 | 2026 |  Canada Mexico United States |
48 | ||||||
| 24 | 2030 |  Morocco Portugal SpainTemplate:Refn |
48 | ||||||
| 25 | 2034 |  Saudi Arabia |
48 | ||||||
- Notes
Amaphatho
[hlela | Hlela umthombo]- ↑ https://www.conmebol.com/noticias/argentina-campeon-mundial-a-100-dias-de-levantar-la-tercera/
- ↑ https://books.google.com/books?id=GxyG0XXdvR4C&pg=PA407
- ↑ https://books.google.com/books?id=qEELS7T_Tm0C&pg=PA144
- ↑ https://digitalhub.fifa.com/m/2589b77c20849beb/original/njqsntrvdvqv8ho1dag5-pdf.pdf
- ↑ https://books.google.com/books?id=9j1wbp2t1usC&pg=PA235
- ↑ https://www.fifa.com/tournaments/mens/worldcup/qatar2022/news/one-month-on-5-billion-engaged-with-the-fifa-world-cup-qatar-2022-tm
- ↑ https://en.wikipedia.org/wiki/FIFA_World_Cup#cite_note-7
- 1 2 https://www.rsssf.org/tableso/ol1906f.html
- ↑ "Jules Rimet Cup". FIFA.com. Fédération Internationale de Football Association. Archived from the original on 29 March 2013. Kulandwe ngomhlaka 12 July 2014. Unknown parameter
|url-status=ignored (help) - ↑ "FIFA World Cup Trophy". FIFA.com. 24 June 2018. Archived from the original on 1 June 2015. Unknown parameter
|url-status=ignored (help)