iNsimi yoMchazazilo kaZwelonke yaseNingizimu Afrika
Insimi yoMchazazilo kaZwelonke yaseNingizimu Afrika (ngesiNgisi ibizwa National Zoological Garden of South Africa) noma i-Pretoria Zoo, iyindikimba yensimi yocwaningo okwezomchazazilo, yokulondoloza izilo ezisongelwe kanye nokululamisa izilo ezilimele ukuze zibuyele ngasendle. Lensimi ingaphansi kwesiKhungo sikaZwelonke seNkithinkithi yeMpilo saseNingizimu Afrika. Isungulwe ngu-John Gunning nge-1899. Lensimi yezilo ingenye yezishiyagalombili emhlabeni ngobukhulu.
Umlando
[hlela | Hlela umthombo]Umengameli wekoloni yamabhunu eyayibizwa iRiphabhuliki eseNingizimu Afrika uStephanus Schoeman wayenesizinda sezolimo esasiqukatha umhlaba owawutshontshiwe kwabomdabu. Lesizinda sezolimo sasibizwa iKlein Schoemansdal. Udayise lesizinda sezolimo kuJohannes Francois Celliers. uCelliers usiqambele igama elintsha: Rus in Urbe. Nge-1895, uhulumeni wamabhunu uthenge lesizinda sezolimo. Insimi yomchazazilo isungulwe kuso ngenkathi kuqala iMpi yesiBili yamaBhunu namaNgisi nge-1899. Nge-1916, iqokwe insimi yomchazazilo kazwelonke ngokomthetho. Yayiphethwe yisiSekelo soCwaningo sikaZwelonke saseNingizimu Afrika. Inikezwe isiKhungo sikaZwelonke seNkithinkithi yeMpilo kaZwelonke saseNingizimu Afrika.
Isimomhlaba
[hlela | Hlela umthombo]Ingxenye yesibili yensimi isendaweni eyithafa, kanti enye ingxenye isehlangothini legquma. Lezi zindawo ezimbili zihlukaniswe uMfula Apies ogeleza kuwo. Amabhuloho amabili anikeza indlela yokwenqa umfula.
Izilwane
[hlela | Hlela umthombo]| Inhlobo yezilwane | Ubalo wezinhlobo | Inani lezilwane |
|---|---|---|
| Izilwane ezincelisayo | 209 | 3117 |
| Izinyoni | 202 | 1358 |
| Izinhlanzi | 190 | 3871 |
| Izilwane ezingenamgogodla | 4 | 388 |
| Izilwane ezihuquzelayo | 93 | 309 |
| Izilwane eziphila emanzini nasezweni | 7 | 44 |
| Ubalo luhlangene | 705 | 9087 |
Izithombe
[hlela | Hlela umthombo]- Intuthantambo phezu kwensimi
- Ngaphakambi kwesibaya sezinyoni
- Umumodolobha/uhluzulu lwePitoli
- Umfula Apies ogeleza ensimini
- Umbukiso wehlathi
- Amabhubesi esibayeni sasegqumeni
- Umgwaqo wokuhamba ozungezwe imithi
- Izinga langaphezulu lesibaya sezinyoni
- Ngaphakathi kwezinkahlamba
- Idolobha ngasemuva kwensimi
- Idolobha ngasemuva kwensimi