INyuvesi Yezobuchwepheshe Emqoka, Free State
INyuvesi Yezobuchwepheshe Emqoka, eFree State ( CUT ) iynyuvesi yezobuchwepheshe yomphakathi enamakhampasi eBloemfontein naseWelkom, esifundazweni saseFree State, eNingizimu Afrika .
Yasungulwa ngowe-1981 njenge-" Technikon Free State." Njengengxenye yokuhlelwa kabusha kwemfundo ephakeme nguhulumeni waseNingizimu Afrika eminyakeni eyinkulungwane entsha, yakhushulelwa esikhundleni senyuvesi yezobuchwepheshe.
Njengamanje iyingxenye yoMbimbi Lwamanyuvesi we- BRICS, okuyinhlangano yamanyuvesi ocwaningo ahamba phambili avela eBrazil, eRussia, eNdiya, eShayina naseNingizimu Afrika.
Ikhampasi
[hlela | Hlela umthombo]Inyuvesi inamakhampasi amabili - elilodwa eBloemfontein, isiqongo sezobulungiswa eNingizimu Afrika, kanye nelinye eWelkom, enkabeni yemithapho yegolide yaseFree State. La makhampasi amabili anikeza amathuba emfundo emikhakheni eminingi yezobuchwepheshe, okuhlanganisa inzululwazi, ubuchwepheshe, umngcikisho kanye nomchazazibalo (STEM); inzululwazi yokuphatha; inzululwazi yezenhlalo; kanye nemfundo.
Ongqondonkulu
[hlela | Hlela umthombo]INyuvesi Yezobuchwepheshe Emqoka iqashe ongqondnkulu nabacwaningi abangaphezu kwama-800 abasabalele ezinsibeni ezine.
Izinsiba
[hlela | Hlela umthombo]
- Usiba Lomngcikisho, Indawo Eyakhiwe kanye Nobuchwepheshe Bokwaziswa
- Usiba Lenzululwazi Yezempilo Nezemvelo
- Usiba Lezoluntu
- Usiba Lenzululwazi Yokuphatha
Ukubhaliswa kwabafundi
[hlela | Hlela umthombo]Iziqu ezinikezwayo zitholakala ezinsibeni ezine, okuwusiba Lezempilo Nenzululwazi Yezemvelo; Usiba Lezoluntu; Usiba Lomngcikisho, Indawo Eyakhiwe kanye Nobuchwepheshe Bokwaziswa (IT); kanye nosiba Lenzululwazi Yokuphatha. Inyuvesi inikeza izifakazelo namadiploma ezingeni lemifunda, kanye namadiploma athuthukile, amadiploma abagogodi ezingeni le-honours, kanye neziqu zobuhuqazi kanye nezobungcitha.