Inyanga yokubhensa
INyanga yokubhensa noma inyanga yokuziqhenya, ngezinye izikhathi echazwa njengeNyanga Yabantu boThingo, iwumkhosi wenyanga yonke owenzelwa ukugubha ukubhensa kwe-LGBTQ, ukukhumbula amagalelo angokwesiko nawomphakathi wabantu abangonomhiba, ongqingili, ababulilimbili, abaguqubulili kanye nabayizimfeshe ( LGBTQ ). INyanga yokubhensa igujwa ngoJuni, ihambisana nokugubha izibhelu zowe-1969 zaseStonewall, uchungechunge lwemibhikisho yokukhulula ongqingili .
Umlando
[hlela | Hlela umthombo]Imvelaphi
[hlela | Hlela umthombo]
Imibhikisho yokuqala yokubhensa yabanjelwa esidlaveleni ezine zase-Melika ngoJuni we-1970, unyaka owodwa ngemuva kwezibhelu zaeStonewall Inn . Umbhikisho waseNew York, owaqhakanjiswa ngokuthi "uSuku Lokukhululwa Komgwaqo kaChristopher", kanye nemibhikisho ehambisanayo eChicago, eLos Angeles, naseSan Francisco, yaphawula isikhathi esibalulekile samalungelo abantu boThingo. Umhleli wemunye umbhikisho wokuqala ogama lakhe linguFred Sargeant wathi umgomo kwakuwukukhumbula izibhelu zaseStonewall kanye nokuqhubeka nokukhuthaza inkululeko. Uphawule ngokuthi yize imibhikisho yokuqala yayifana kakhulu nombhikisho kunokuba kube umkhosi, yasiza ekukhumbuzeni abantu ngemiphakathi yabantu boThingo nokuthi ibakhinyabeza kanjani abomndeni nabangane bomuntu. Abesifazane abaguqubulili kanye nabantu bebala, okuhlanganisa noMarsha P. Johnson, uSylvia Rivera, noStormé DeLarverie, bakhishwa inyumbazane noma bathuliswa ngesikhathi sombhikisho wokuqala, naphezu kokuhlanganyela kwabo okuphawulekayo ezibhelwini zokuqala.