Richtersveld
| UNESCO World Heritage Site | |
|---|---|
 Izindlu ezikhandwe ngecansi eGlybank eduze neKuboes | |
| Indawo | Northern Cape, South Africa |
| Uhlobo | UNESCO WHS type: (iv), (v)(iv), (v) |
| Amaphatho | 1265 |
| Ukwamukelwa | 2007 (Template:Ordinal Session) |
| Area | 160,000 ha (400,000 acres) |
| Buffer zone | 398,425 ha (984,530 acres) |
| Coordinates | 28°36′0″S 17°12′14″E / 28.60000°S 17.20389°ECoordinates: 28°36′0″S 17°12′14″E / 28.60000°S 17.20389°E |
IRichtersveld yisindlalozwe esiwugwadule esiphawuleka ngezinkalo ezimagedugedu nezintaba eziphakeme, sitholakala egubini elisenyakatho-ntshonalanga yesifundazwe saseNyakatho Kapa eNingizimu Afrika . Igcwele izindawo ezishintshashintshayo kusukela emathafeni ayisicaba, anesihlabathi, asothugulu, kuya ezintabeni ezibukhali ezinamadwala ezintabamlilo kanye nobuluhlaza boMfula i-Orange, owakha umngcele neNamibia engomakhelwane. Indawo isukela ekuphakameni kusukela ezingeni lolwandle, kuya kumamitha ayizi-1,377 eCornellberg. Itholakala enyakatho-ntshonalanga yesifundazwe saseNyakatho Kapa eNingizimu Afrika, iRichtersveld ibhekwa njengendawo yenkithinkithi yempilo eyomile futhi iningi lendawo libhalwe ohlwini lweSifa Sefagugu Lomhlaba lwe-UNESCO ngenxa yamasiko ayo.
AmaNama aseRichtersveld athatha ilungelo lomhlaba wabo wendabuko futhi babeka eceleni lesi sikhungo sokulondoloza imvelo ukuze sibe esocwaningo nezokukhenketho esikhathini esizayo. Ingxenye esenyakatho yendawo yamenyezelwa ngowe-1991 ngemuva kweminyaka eli-18 yezingxoxo phakathi kweBhodi Yeziqiwu ziKazwelonke kanye nabantu bendawo abangamaNama abaqhubeka nokuhlala nokwelusa imfuyo yabo endaweni. Inebangandawo elingamakhilomitha-skwele ayzi-1,624, 45. Lesi isikhala samaNama aphila ngendlela eyaziwa ngokuthi isikompilo labaguqulimpilo yabo – lapho befuduka khona ngezikhathi ezithile nemfuyo yabo bese besebenzisa uhlelompiliswano oluthambile nolutewuzelayo. [1] Indawo yokugcina imvelo yomphakathi izungezwe enyakatho yiSiqiwu Sikazwelonke saseRichterveld (esiphethwe umphakathi waseRichtersveld kanye neZiqiwu Zikazwelonke zaseNingizimu Afrika) iSiqiwu Semvelo Sesifundazwe iNababiep kanye nezindawo ezihlonziwe zamadlelo zomphakathi ezivumela amaNama ukuthi aqhubeke nendlela yabo yokuphila.
ISiqiwu siKazwelonke saseRichtersveld
[hlela | Hlela umthombo]
ISiqiwu sikaZwelonke saseRichtersveld siyingxenye yaseNingizimu Afrika yeSiqiwu Esequmngcele sase-ǀAi-ǀAis/Richtersveld .
ISiza Sefagugu Lomhlaba
[hlela | Hlela umthombo]NgoJuni wezi-2007, "ISindlalozwe Sezamasiko Nezimila saseRichtersveld", eningizimu neSiqiwu Sikazwelonke kanye nendawo enolingano lobungako nobuhle, yaqanjwa ngokuthi yiSiza Sefagugu Lomhaba le-UNESCO. [2] Ngokungafani neSiqiwu Sikazwelonke, iLondolozo Lomphakathi waseRichtersveld, elakha indawo eyinhloko yeSiza Sefagugu Lomhlaba, alidingi ukumbiwa kwedayimane futhi ngenxa yalokho iyindawo ehlanzekile kakhulu kulezi zindawo ezimbili.
Isimo sezulu
[hlela | Hlela umthombo]IRichtersveld iphawuleka ngamazinga okushisa asehlobo ahangulayo kwake aqoshww ukuthi afinyelela cishe kuzingakushisa 53 phakathi nehlobo. Ubusuku bupholile futhi buletha amazolo anzima. Njengoba amanzi entuleka, impilo eRichtersveld incike emswakameni ovela enkungwini yasekuseni kakhulu. Abantu bendawo bayibiza ngokuthi 'Ihuries' noma 'Malmokkies' futhi yenza kube lula ukusinda kwezinhlobo eziningi zezilwane ezihuquzelayo, izinyoni nezilwane ezincelisayo. Amazingakushisa ehla phakathi kuka-Ephreli noMeyi aye emazingeni akahle, nokho, kusukela ngoJuni kuya ku-Agasti ubusuku buyabanda kakhulu. Imimoya enamandla ivame ukubamba ebusika futhi lokhu kubangela iziphepho zesihlabathi. Umoya uvame ukubanda ngenxa yethonya elivela oLwandlekazi i-Atlantic entshonalanga.
I-Richtersfeld iyindawo yesikhashana phakathi kwesifunda se -Karoo Etewuzelayo esisothungulu olusentshonalanga, kanye ne -Nama Karoo eyomile empumalanga. Imvula eRichtersveld iyahlukahluka kusuka kumamilimitha ayisi--5 ngonyaka empumalanga kuya kumamilitha angama-200 ngonyaka entshonalanga. Isifunda esinezintaba esisentshonalanga sithola ikakhulukazi imvula yasebusika kanye nenkungu enikeza ukuphila evela olwandle. Indawo esempumalanga eceleni koMfula i-Orange yomile futhi imvula ivame ukufika ehlobo, ngokuvamile njengemvula enkulu. Ekupheleni kuka-Agasti kuya ekuqaleni kuka-Okthoba kufika intwasahlobo enezimbali eziningi zezinhlobo ze-daisy ( i-Osteospermum ) kanye ne-"vygies" ( i-Lampranthus ), okuyi- Namaqualand .
Isiko
[hlela | Hlela umthombo]Le ndawo ihlalwa amaNama kanye nezinye izizwe. Umphakathi wendawo, ongabanikazi bendawo yonke, uphethe iSiqiwu Sikazwelonke ngokubambisana nabeZIqiwu Zikazwelonke zaseNingizimu Afrika futhi unesibopho ngokuphelele sokuphatha ngokweSiza Sefagugu Lomhlaba. Zombili lezi zindawo zisetshenziswa abelusi bendabuko abaphila impilo ephithizelayo ukuze baqhubeke nesikompilo labo lasendulo kanye namasiko abo. Yindawo yokugcina isikompilo lomndabuko lamaKhoikhoi (okuyisizwe esikhulu kunazo zonke esisele kuwo amaNama) esake sahlala yonke ingxenye eseningizimu-ntshonalanga ye-Afrika, isinda khona ngezinga elikhulu. ISiza Sefagugu Lomhlaba samenyezelwa ngaphansi kwemigomo yamasiko yeSivumelwano Sefagugu Lomhlaba nakuba kuqashelwa ukuthi izindinganiso zamasiko zomphakathi kanye nokuba khona kwazo okuqhubekayo kuhlobene ngokwemvelo nemvelo. [3]
- ↑ "Richterseld World Heritage Site". Kulandwe ngomhlaka 20 December 2017.[dead link]
- ↑ "The Richtersveld World Heritage Site". Archived from the original on 2017-09-15. Kulandwe ngomhlaka 2017-08-20.
- ↑ "Richtersveld Cultural and Botanical Landscape". UNESCO. Kulandwe ngomhlaka 27 December 2012.