UMbhadulo
Umbhadulo ungumjaho wezinyawo webanga elide lamakhilomitha angama 42+ kuya phezulu, ngokuvamile ugijinywa njengomjaho wasemgwaqweni, noma kweminye imizila. Umbhadulo ungagijinywa ngeqhingasu lokugijima noma lokuhamba. Kukhona nezigaba zaba sebenzisa izihlalo ezinamasondo . Ingaphezu kwama-800 imibhadulo ebanjwa emhlabeni wonke unyaka nonyaka, iningi labaqhudelana kuyo kungabasubathi abazilibazisayo, njengoba imijaho emikhulu ingaba namashumi ezinkulungwane abantu abayingenele.
Lo mjaho wahlelwa injulalwazi yaseFrance uMichel Bréal igqugquzelwe indaba evela eGreece Yasendulo, umbhadulo kwakuyingxenye yemicimbi yokuqala yemidlalo yamaOlymoic anamuhla kusuka ngonyaka we- 1896 e - Athens . Ibanga lawo alizange libe lihlelwe kwaze kwaba ngunyaka we-1921. Ibanga lawo lifakiwe eMncintiswaneni wezokuSubatha woMhlaba owaqala ngowe-1983. Umbhadulo iwona umjaho womgwaqo ogijinywayo ofakwe kuyo yomibili imiqhudelwano yoompetha (imijaho yokuhamba emigwaqeni iphinde ibangwe kuyo yomibili).
Umlando
[hlela | Hlela umthombo]Umsuka
[hlela | Hlela umthombo]
Igama elithi uMbhadulo livela kwisenzukuthi 'bhadu' esisho ukunyathela, ukunyathuza, ukudambatha,kuvela kuso umqondo wegama imbaduko/umbaduko elisho inyathuko, okuyindlela ehanjwa abantu ngezinyawo zabo. Umuntu ozula kakhulu ahambe amabanga amade yena ubizwa 'unobhadule' noma 'ubhadule', bese ihhashi eligabavula amabanga amade kuthiwa 'ibhadule', kanjalo impisi ehamba amabanga amade ibizwe 'imbadule.'