Jump to content

UbuMarx

Kubuya ku Wikipedia

UbuMarx buchaza injulalwazi okombusazwe kanye nenqubo yokuhlakahla ezenhlalomnotho obusebenzisa ukutolika kwomlando wentuthuko okungokobumongotho obungubuphambanamqondo obwaziwa ngobumongotho obomlando ukuqondisisa  ubudlelwane ngaphakathi kwezigaba zomphakathi kanye nenxabano okwenhlalo. Njengoba buvela emibhalweni kaKarl Marx noFriedrich Engels ikakhulu isiBophezela seQembu yoCosulelwano, indlela yokucubungula yokobuMarx ibuka umqhudelwano wezigaba njengesiphoqi esimqoka esisunduza ukuguquka omlandweni.

Ukuhlakahla okobuMarx kubuka isimo sokukhiqiza okomnotho somphakathi njengesisekelo sempilo yenhlalo, umbusazwe kanye nongqondonkulu yalo, indikimba eyaziwa ngohlaka okwesizinda nesakho esingaphezulu. Ekudingidweni kwobuhlohlesakhe, ubuMarx buphakamisa ukuthi isigaba esibusayo sobuhlohlesakhe (ongxiwankulu), esingumnikazi lezinsiza zokukhiqiza, sisebenzisa isigaba esisebenzayo okungafanele esidinga ukudayisa umsebenzi waso ukudela ukufa. Lobudlelwane (ngokukaMarx) buholela ekuzikhipha inyumbazane, izinhlekelele zomnotho ezivela okwesikhashane, kanye nokuxabana kwezigaba zomphakathi ekonakalayo ukuyaphambili.

Kusukela ukushona kukaMarx imicabango yakhe iyandisiwe futhi yachachiswa kabanzi ngabacubunguli abambalwa kanye neminyakaziso yombusazwe eholele kokuvela kwezikhungofundo ezimbalwa zomcabango. Esihamba phambili kuzo zonke ngubuMarx-Lenin, obathuthuka emuva kokushona kukaVladimir Lenin futhi bakhonza ngengenkolomqondo yoBumbano wamaSoviyethi kanye namanye amazwe obuMarx.

Ngokuhambelani nalokhu, amasiko ambalwa obungqondonkulu nempikiswano, eyamanisa ubuMarx baseNtshonalanga, ubuntu bobuMarx, ubumelabufazi bobuMarx, kanye nobuMarx bokobuxakaxisa ebuvelile, iningi lesikhathi asola ucosulelwano okwombuso futhi zigxile ezindikimbeni zesiko, injulalwazi, nenkululeko yomuntu munye. Unguqunguqu okwesikhathi onkithinkithi uchaza ukuthi awukho umchachiso owodwa wobuMarx oyiqiniso eliphelele.

ubuMarx bume ezingeni lamasiko okobungqondongqondo evusa uthuli futhi enomthelela ezehlakalweni zomlando wesimanjemanje. ubuMarx bugqugquze imivukelambuso, iminyakaziso yemiphakathi kanye namaqembu ombusazwe emhlabeni jikelele kanye nokubumba iziqeqesho zikangqondonkulu. Izindikimba eziphume kubuMarx njengokusebenzisa okungafanele, ukukhipisa abantu inyumbazane kanye nomqhudelwano okwezigaba zimqoka kwezinzululwazi zenhlalo nomchazaluntu, ezinomthelela emikhakheni yofundo kusukela kwumchazanhlalo nokudingida ubucikomazwi kufika kwinzululwazi yombusazwe nezimfundo zesiko. Umbono nokufezekiswa kwemicabango yobuMarx bungumsuka wokuxoxa okushisayo kwezombusazwe nakwezongqondonkulu.