Uhlelo lokujikeleza kwegazi
Kwezinomgogodla, uhlelo lokujikeleza kwegazi uhlelo lwezitho zomzimba oluhlanganisa inhliziyo, imithambo yegazi, kanye negazi elijikeleza umzimba wonke. Luhlanganisa uhlelo lwenhliziyo, noma uhlelo lwemithambo yegazi, oluhlanganisa inhliziyo nemithambo yegazi. Uhlelo lokujikeleza kwegazi lunezigaba ezimbili, ukujikeleza kwegazi okuhlelekile noma umjikelezo, kanye nokujikeleza kwasemaphashini.
Uhleloxhumano lemithambo yegazi lwakhiwa yimithambo emikhulu yenhliziyo ehlanganisa iminqonqo enwebekayo, kanye nemithambo emikhulu; eminye iminqonqo, iminqonqwana emincane, imithanjana ebananaza nemibhananyana (venule), kanye neminye imithambo. Uhlelo lokujikeleza kwegazi luvaliwe ezilwaneni ezinomgogodla, okusho ukuthi igazi alilokothi liphume kuhleloxhumano lemithambo yegazi. Izilwane eziningi ezingenamgogodla njengama-arthropods zinohlelo lokujikeleza kwegazi oluvulekile olunenhliziyo emfanguza i-hemolymph ebuya ngenkoxe yomzimba kunokuba idlule emithanjeni yegazi. Ama-diploblast afana nama-sponge nama namathekechwayo awanalo uhlelo lokujikeleza kwegazi.