Umfana

Umfana ungumuntu wesilisa osemncane. Igama elithi umfana livame ukusetshenziswa ukuchaza ingane yesilisa esesigabeni esingaphansi kwesebhonga. Lapho eneminyaka elishumi nesithupha kuthiwa ibhungu. Lapho umuntu wesilisa efika esigabeni sobunsizwa, esekhule ngokugcwele kuthiwa indoda.

uMsukagama

Elithi umfana liyisinciphiso segama elithi umufo okuyigama elivamile lesiZulu elisho indoda. Ukuncishiswa kwelithi umufo bese kuvela elithi umfana, kuhlobene nokuncishiswa kwelithi indoda ukuze kuvele elithi indodana. Elithi umufo libuye lisetshenziswe nalapho kukhulunywa ngabafo besilisa umuntu azalwa nabo, kuthiwe umfowabo, umfowenu, umfowethu. Lapho ubuzwa umbuzo othi ungumufo kabani? kusuke kubuzwa ukuthi oyindodana kabani. Elinye igama elifana nalo lithi umfokazi. Igama lokuhlonipha umfana elivamile ngelithi umkhapheyana.

Umfana ohlezi ehamba nonina ubizwa ugombetsheni noma ugombotshe. Umfana ohlala esendlini ubizwa umjingandlu. Mfana omkhulu ngomzimba noqinile ubizwa ikhewe. Iqembu labafana libizwa inkwebane Lapho kweluswa, umfana ohola izinkani ubizwa umholeli.

Umchazampilo

Ukwakheka kobulili

Ubulili bomuntu bunqunywa lapho amalotha anesiphathafuzo X noma Y ekhulelisa iqanda. Uma amalotha equkethe isiphathafuzo X, umbungu uzoba neziphathafuzo XX, futhi ubulili kuzoba obentombazane. Lapho amalotha athwele isiphathafuzo Y kuxubane iziphathafuzo XY, ubulili kuzoba umfana. Imixhantela yalokhu iveza imibungu enobulili obuphakathi.

Ukukhula esinyeni nokwesidoda

Phakathi kwemibungu yesilisa lapho inamaviki ayisikhombisa yokumitha, isifuzisi esikusiphathafuzo Y sithonya izinguquko ezimenza kukhule amasende. Emavikini alithoba, ukukhiqizwa kwamandlendoda embungwini wesilisa kwenza kuvele uhlelo lokuzala lowesilisa.^[1]

Amaphatho

↑ Institute of Medicine (US) Committee on Understanding the Biology of Sex and Gender Differences (November 28, 2001). Wizemann, Theresa M.; Pardue, Mary-Lou, eds. Sex Begins in the Womb. National Academies Press (US) – via www.ncbi.nlm.nih.gov.

[1] Institute of Medicine (US) Committee on Understanding the Biology of Sex and Gender Differences (November 28, 2001). Wizemann, Theresa M.; Pardue, Mary-Lou, eds. Sex Begins in the Womb. National Academies Press (US) – via www.ncbi.nlm.nih.gov.

[1]