Jump to content

User:Fongcwele/Draft page 2

Mayelana Wikipedia

thumb|303x303px|ULungile Mabhena

ULungile Monica Mabhena ngomunye wabantu abatjha abadlala indima emphakathini wamaNdebele. Umtloli, imbongi, umeluleki wendabuko nonamatalente amanengana kwezobukghwari. Ngaphezu kwalokho ungutitjhere oneziqu ze-Bachelors of Education, begodu wahlonitjhwa nge-Honorary Doctorate ngebanga lendima ayidlalileko emphakathini. Mtloli wokuthoma wemitlolo yesiNdebele ukutjhejwa yi-Afrika Digital, bewakhethwa njengembongi ekhamba phambili ku-Mzansi Art’s and Media Awards (MAMA). Wathola isitifiketi seZimbabwe ngebanga lokukhuluma eenkundleni zokuthintana ngesiNdebele.[1]

ULungile Mabhena wabelethelwa endaweni ye-Tweefontein C kwaNdebele, abelethwa nguSamuel Mabhena noJosephine Masombuka ngomhla ka-28 December 1999. Wathoma ukufunda esikolweni samabanga aphasi i-Hlobisa Primary School, nakaqeda waya e-Sifunda Khona Primary School, ngemva kwalokho wayokufunda kwesamabanga aphakathi i-Siphiwe Combined School, bese waqedelela ngokufunda kwesamabanga aphezulu e-Vukuzame Secondary School okukulapho aqeda khona ukufunda. Ithando lakhe ngokuba yimbongi.[1][2]

Iindima Ayidlalako

[hlela | Hlela umthombo]

thumb|318x318px|Incwadi ethi "Vukani Kusile" UDorh. Lungile Mabhena unamatjhaneli eenkundleni zokuthintana aluleka abantu abatjha nabantu baboke ngendlela efaneleko yokwenza amasiko nekambiso yesiNdebele neyesintu, okumkhakha abantu abatjha abangakavami ukutholakali. Abuye eluleke nangendlela yokuziphatha kwabantu abatjha esikweni. Lokho ukwenza ngitjho nemrhatjhweni. Ngaphezu kwalokho sekunemitlolo abandakanyeke kiyo ethuthukisa ilimi lesiNdebele. Uneenkondlo azitlolileko ezitholakala encwadini ethi Vukani Kusile.[2]

Incwadi ethi Vukani Kusile libuthelelo leenkondlo, eziveza ubudisi esizithola siqalana nabo sima-Sewula Afrika. Khumbula bona ukuhlunguphazwa kwabantu bengubo kudlange komlilo wesikhotha lapha enarheni yekhethu, kanti abobaba nabo bavela barhabile bathi nathi silila sona leso isililo sokuhlunguphazwa bomma. Nanyana kunjalo, incwadi le imumethe umlayezo wokubuyisana, ithando nokuzwelana ubuhlungu. Iimbongi nofana abatloli bencwadi le, benze okusemandleni wabo bona umamukelilwazi osebujameni nanyana ngabe ngibuphi azithole sele athobekile nofana akhandeleka.[3]

Nasi imitlomelo atlonyeliswe ngayo

[hlela | Hlela umthombo]

thumb|Iinkondlo zakhe ezimbili zitholakala kilencwadi ethi Ikhambi|279x279px

  • 2008 - Umtlomelo Wokubeka Ikulumo Ekhamba Phambili - Award for Best Speech
  • 2011 - Umtlomelo Wokubeka Ikulumo Ekhamba Phambili - Award for Best Speech
  • 2024 - IsiNdebele Content Writer for Afrika Digital
  • 2024 - Wafunama i-Honorary Doctorate

ULungile Mabhena usibonelo ebantwini abatjha sokudlala indima ekuthuthukiseni umphakathi ngamakghono ahlukahlukeneko.

Nakazikhulumelako uthi: "Ngiyakuthabela ukutlola ngomlando, ilimi, ikolo yesintu namasiko bona ngifundise abantu, ngombana njengama-Afrika sathathelwa ubuthina bethu. Kuqakathekile kimi ukwenza abantu bazi bona bangaphila ngesiko lesi-Afrika, bazihlanganise nekolo yesi-Afrika kunokuthi balahleke emasikweni wakosobani angabasizi ngalitho."[1]

Iinkhombo

[hlela | Hlela umthombo]
  1. 1 2 3 Precious Mashiane (October 16, 2024), Tweefontein poet Lungile Mabhena recognised by iArika digital, nominated for best poet at MAMA. Highveld Chronicle website. Retreived from: https://hconline.co.za/tweefontein-poet-lungile-mabhena-recognised-by-iarika-digital-nominated-for-best-poet-at-mama/ Retrieved on 31/07/2025.
  2. 1 2 Linkedin (2025) Dr Lungile Mabhena. Retrieved from: https://www.linkedin.com/in/lungile-mabena-4812aa214/?originalSubdomain=za. Retrieved on 31/07/2025.
  3. ↑ Epubhlishing and Digital Displays (2025) Books, Retrieved from: https://epublishing.store/products/ Retrieved 30-06-2025.
"https://zu.wikipedia.org/w/index.php?title=User:Fongcwele/Draft_page_2&oldid=115956" تان ورتل