Usomkhathi
Usomkhathi igama elisho umuntu oqeqeshiwe, nohlonyisiwe, futhi othunyelwa ngohlelo lezomkhathi ukuze asebenze njengomlawuli noma ilungu lesigejana le ndizamkhathi. Nakuba ngokuvamile ligcinelwe abahambi basemkhathini abayizingcwepheshi, leli gama ngezinye izikhathi lisetshenziswa kunoma ubani ohamba emkhathini, okuhlanganisa osonzululwazi, osombusazwe, izintatheli, kanye nezivakashi zasemkhathini. Leli gama liphinde lisetshenziswe kubantu abaqeqeshelwe ukundizisa izindizamkhathi emoyeni ngemva kokudlula izifundo ezithile zokuqeqeshwa, kungakhathaliseki ukuthi banolwazi olunjani ngokuhamba emkhathini.
Igama lesiZulu elithi "usomkhathi" lihumusha wonke amagama ezizwe asetshenziswa ukuchaza abandizisi bezindizamkhathi. Lihumusha igama elithi "Astronaut" elisebenza olimini lesiNgisi, negama lwesiRashiya elithi Kosomonauts ( "kosmos" (космос, "umkhathi"). Kuhlanganisa negama elisetshenziswa amaShayina elithi taikonaut (elivela kwelesiMandarin elithi "tàikōng" (太空 . ), okusho "umkhathi").
Kusukela ngowe-1961kuze kube owezi-2021, kunosomkhathi abangama-600 abendize emkhathini. Kuze kube ngowezi-2002, osomkhathi babexhaswa futhi beqeqeshwa ohulumeni kuphela, kungaba yimibutho yezempi noma izinhlangano zasemkhathini zomphakathi. Ngokundiza okungaphansi kwe -SpaceShipOne exhaswe ngasese ngowezi-2004, kwadalwa uhlobo olusha losomkhathi: usomkhathi wezohwebo .
Incasiselo
[hlela | Hlela umthombo]
Igama elithi "usomkhathi" liyavela encwadini ethi ukuamisa njengegama elifanelekayo ukuchaza abaqhubi bezindizamkhathi, osonzululwazi abasebenza esigculeni sasemkhathini samazwe, ngisho nalabo abavashayo emkhathini. Kuyilapho elithi 'umuntunyoni' lona livezwa njengelifanele ukuhumusha elithi 'pilot' njengoba bendiza esibhakabhakeni. Elithi 'itilosi' lona livame ukusetshenziswa kulabo abahamba ngemikhumbi emanzini.