IsiLimela
IsiLimela esaziwa nangokuthi M 45 namanye amagama ngamasiko ahlukene, singukunyonta ''(asterism)'' kanye nesixheke sezinkanyezi esivulekile esiqukethe izinkanyezi ezishisayo zohlobo lwe-B enyakatho-ntshona yesishomo inkunzi (Taurus). Lesi sixheke siqhele ngebanga elingukukhanyabanga okungama-444, yisixheke esiseduze kakhulu nomhlaba, futhi sibonakala kalula nangeso lenyama ebusuku. Lesi xheke siqukethe umqongo okhwentuzayo obizwa NGC 1432, kanye nesifunda HII, kanye nomqongo obizwa NGC 1435, owaziwa nangokuthi umqongo Lubane. Ukukhazimula kwezinkanyezi zesilimela, yikhona okwenza kube lula ukubona lesi sixheke ngeso lenyama, ngisho ngisho noma usendaweni enomukubalo wokukhanya.
Umsukagama
[hlela | Hlela umthombo]Igama elithi 'isilimela' lihlobene eduze nokuthi ukulima, lima, elinomsuka kwelithi 'limela' olimini olwandulela isintu, elisho inkathi yokulima, intwasahlobo. Ukuze abantu bazi ukuqala kwenkathi yokulima, babebheka izinkanyezi, futhi ukuvela kwesixheke sezinkanyezi, kwakusho ukuqala kwenkathi yokulima Ingakho lesi sixheke naso sagcina sesibizwa isilimela.
Izinkanyezi ezigqamile
[hlela | Hlela umthombo]Isilimela sinezinkanyezi ezigqamile ebusukus eziyithoba ezinamagama wesintu ahambisana nombala wazo olundwa:
Ufefe - Alcyon
uLuhlaza - Atlas
Inguduza - Electra
Umgulugu - Maia
uLubane - Merope
Ikhwanyana - Sterope
Ulushodo - Pleione
uMyaka - Celaono
uMkhasilili - Taygeta
Lamagama aqanjwe asuselwa ezintweni ezifana nezimbali, izinoyini nobuhlalu, ezinombala olundwa.