Isigqayi somsakazo

Isigqayi esiphathwa ngesandla se- Icom IC-R5

Isigqayi siyisamukezi somsakazo esikwazi ukungena ngenhleleleko, noma ukugqaya, imijinge elubandlu emibili noma ukweqa, siyeke lapho sithola isiyabizo phakathi kwayo bese siqhubeke nokugqaya eminye imijinge lapho ufufukiso lokuqala luphela.

Ibizo elithi isigqayi imvama libhekisela kwizamukezi zokuxhumana ngokuyinhloko ezihloselwe ukwalusa izimiso zomsakazo eziluntinti zemijinge yamaza aphezulu VHF nemijinge yamaza aphakeme UHF, ngokungafani, nesamukezi esisetshenziselwa ukwalusa ufufukiso lwemaza alufuphi omhlaba wonke.

Kaningi, lezi zigqayi zingangena (tune) emiqwengukweni (modulation) ehlukene efana nalena- (AM, FM, WFM, etc.). Izigqayi zangaphambilini zazilusilili, ziwugqinsi futhi zibiza. Namuhla, izihidanisincane (microprocessors) zenza izigqayi zikwazi ukugcina izinkulungwane zemigudu (channels) futhi zaluse amakhulu emigudu ngomzuzwana. Izinhlobo zakamuva zikwazi ukulandela izimiso zomsakazo ezindlelambili kanye nokunyandlulula (decode) ufufukiso lwezezibhangqiwe lwe-APCO-P25. Kokubili izigqayi eziphathwayo nezesicikizi ziyatholakala. Izigqayi zisetshenziswa kakhulu amaphoyisa, abezinkonzo eziphuthumayo zomlilo nekwelapha. Ukugqaya ngomsakazo imvama kubamba iqhaza emikhakheni yezintatheli, nasekuphenyeni ubugebengu, futhi kwenziwa kwezokuzilabazisa kubantu abaningi emhlabeni.